|
بقولي عبري :حلناها للقضية بالخدمة المدنية
تعالوا انضموا بكمية والمساواة إليكم مقضيه.
مش فاهم كيف وصل لفلسفتو الحكومية.
أو انو مفكرها قصف جوي من طيارتو الحربية
المساواة حق وشرعية بدون ربط بالواجبات المدنية.
والقضية مش خدمة مدنية إلا خدمة أية قومية.
لما بقولو الدولة يهودية وبدنا نلغي اللغة العربية.
أظاهر يا شباب إنها قضية مستوية ومدبرة بليلة.
تعلوا افتحوا الملفات المخفية ونشوف الأشياء بحرية.
شوفوا بيت جن وكسري والرامة والمصادرة اليومية.
شوفوا شو عمل السلاح بالمغار وقعها بفتنة طائفية.
بدنا نخدم بلداتنا العربية بأعمال تطوعية.
واعتراف بالبلدات المنفية الي سكانها بدون مي وكهربا وصحية.
وبدنا نبني بيوت للشباب ويوقفوا الهدم والمخالفات الشهرية.
وبدنا ملاعب ومراكز ومدارس وعمال اجتماعية.
بدنا نحافظ على الارض والهوية وعلى اللغة العربية .
والدولة تكون دولة للكلية مش يهودية ولا عربية.
ويا رب يحل السلام وتصير عيشتنا هنية
الله يرضا عليك يا عبري فكنا من أفكارك الجهنمية.
شغلتك ما فيها مساواة ولا عدالة اجتماعية.
|
